女裝鞋開倉篇：
出口日本高踭拖二折開倉

經濟未見好轉，連平時最愛將Shopping當消閒節目的女士們都要忍痛收手，但遇到平價筍貨時就唔可以再忍喇！好似今次介紹呢個女裝鞋開倉，八百多對高踭鞋和涼鞋都係今季款式，全部都在日本的大型百貨公司如西武和高島屋有售，𠵱家低至二折清貨，係時侯掃番幾對𠱁吓自己開心！
記者：黃婉冰
攝影：周旭民
ImageGirl：Iris（DreamDestination）
MakeUp：Cherry（fromDreamDestination）

釘珠牛仔皮夠高貴
以牛仔布作為質料的高踭拖鞋，永遠長青不死，全因其款式既Casual又斯文。鞋面以銀線繡花和珠仔作點綴，花巧得來唔會過份搶眼誇張，不論襯套裝又或牛仔褲都同樣好看。
原價$1,050
開倉價$180

葉紋簡單脫俗
追捧開高踭拖鞋款的Fans，可以考慮呢款葉紋矮踭拖鞋。選用帶點秋意嘅葉形花紋做鞋面設計，配上一個矮踭，令簡單的拖鞋款式變得大方得體，淺粉紅色襯夏季CasualWear最Fit。
原價$1,190
開倉價$180

圓皮點綴富立體感
鍾意花巧的話，呢對高踭拖鞋一定啱你！鞋面以不同大小的圓形皮作點綴，看起來富層次和立體感，非常有心思。不論配襯牛仔褲又或長短裙都同樣適宜，不過略嫌鞋面太窄，着唔慣可能會好易「甩拖」。
原價$890
開倉價$150

珍珠雙色簡約易襯
若因工作關係，經常要以斯文Look示人的話，這對以一字鞋面設計的高踭鞋或許會適合你。全對鞋以粉綠色和白色作配搭，唔玩花巧，配合幼綁帶及半吋踭，鞋款簡單得來不失大方，另有粉紅色襯白色以供選擇。
原價$920
開倉價$180

OL首選
尖頭蛇皮出得大場面
想搵對出得大場面的款式，可以考慮呢對蛇皮尖頭高踭鞋。每隻鞋都用上三塊真蛇皮接合而成，皮帶更可以向前交叉扣又或向後扣，不同的扣法可做出不同效果，用來配襯套裝夠晒得體。
原價$2,120
開倉價$300

通花尖頭至口岩OL
OL嘅返工鞋最緊要簡單易襯，好似呢對尖頭通花款，鞋面布滿通花，簡單得來帶少許花巧。加上一條幼幼嘅皮帶扣，更能凸顯女士們的修長美腿，襯套裝或裙都甚有女人味。
原價$1,640
開倉價$300

菱形繩花古典優雅
呢對珍珠白高踭鞋，最特別是其鞋面的花紋。用幼繩車上菱形圖案，帶有少許立體感，珍珠白色令鞋身帶有少許閃爍效果，配合尖頭修身的鞋形，成對鞋給人一種古典優雅之感。
原價$1,580
開倉價$300

同場特價手袋一律$88
手織草袋夏日之選
今夏大熱的草袋，去沙灘又點少得？全個用上草料以人手編織，簡單的三角波浪紋和經典的籃型款式，正好配合炎炎夏日。每個袋重會連袋仔一個，放證件、散銀就啱晒。

斯文織花手挽袋
另一款織花手挽袋，質料摸上手有點似地氈，襯上皮邊和皮手挽、皮扣，款式比較成熟。袋身又闊又大，外形另有一種懷舊感。

尼龍手挽袋夠實用
尼龍質料袋最適合夏季使用，款式雖然較大路，但勝在格數夠多，可以將隨身物品有條理咁擺放，唔會亂糟糟。

開倉日期：即日起至7月22日
地點：旺角塘尾道60號福康工業大廈7樓1室
電話：34223956
備註：買滿$500或以上方可使用信用卡。