麥浚龍表示若有機會再選擇的話，他依然會選擇做麥紹棠的兒子，他說：「我唔認為屋企有錢對我係一個負累，事實上我阿爸喺我眼中係一個好成功嘅人，佢好努力工作賺錢。雖然我一直以嚟都有咁多唔好嘅新聞，但係佢哋從來都唔會追問，因為佢哋知道所有嘢都唔係真嘅。」
Juno坦言經歷過這麼多是非之後變得堅強，這全賴家人的信任，他說：「記得阿哥曾經放過一張紙仔入我房，寫住『唔好意氣用事，無論開心唔開心都唔可以影響到人』，呢啲說話已經同我打咗強心針，𠵱家阿哥都會攞我啲新聞取笑我，阿爸阿媽聽到又會笑埋一份。」Juno亦藉此向家人說出心底話，他說：「出面做嘢嗰個唔係真嘅我，只有喺屋企着住短褲同阿哥打機嗰個先係最開心嘅Juno。」