23條押後再上立法會已成定局，加上葉劉突然引退，律政司法律政策專員區義國大可唞一唞氣。八方聽聞，區義國遲吓會放假，去邊就冇人知。
7.1之後，政府想唔認衰都唔得，既掌握唔到民意，亦低估咗人民力量，正如啲大律師指出，《國安法》就算夾硬通過，亦唔會有認受性，數以十萬計嘅市民一旦公民抗命，人人博拉，到時都唔知點算好。
講番區義國，八方一直認為呢位老外都算係咁，時常一人同多位大狀死撐，到最尾又頻頻要修訂，搞到咁趕頭趕命，睇怕佢都唔想。
八方班老友最㷫係如果冇五十萬市民上街，政府就側側膊唔多覺咁照過，唔會放棄警察可以冇手令入屋搜查、取締與內地有從屬關係組織嘅條文；咁個政府究竟係為港人謀幸福，還是為自己謀權謀方便？
（圖）區義國暫時從23條風波中抽身放假。
傳真︰2623-9278
電郵︰