趙世光太太何琍琍前晚坐鎮其在上海開設的食肆試菜，大談全職投入飲食業的苦與樂。何琍琍指現在仍是耕耘期，希望將旗下飲食生意推向企業化，更指時代不同，女人不能將嫁人視為長期飯票，現在最重要是經濟獨立，信心才能增強。
趙世光太太何琍琍近年銳意發展飲食生意，她在上海投資多間食肆如「福祿居」及「鴻禧茶居」等，做得有聲有色。一年裏何琍琍大部份時間坐鎮上海，打理生意，前晚她在「鴻禧茶居」試菜，並大談做飲食業生意的壓力與樂趣。
何琍琍說：「我視投資飲食業為一項挑戰，雖然好辛苦，但係滿足感亦好大，九月我重會開多一間『百合居』同埋一間coffeeshop。我喺呢度乜嘢都要理，對食物要求又高，會好挑剔，試過一日要試五十款菜。」
何琍琍續說：「另外我信唔過內地人，所以一碗一碟都要過目，費事最終要執手尾同做壞自己個名，好彩我細女式平𠵱家喺法國讀緊飲食管理，遲啲可以幫我手。」
問何琍琍現在仔大女大，為何不安坐家中享兒女福？她說：「我老公亦同我講過『少奶，你要求咁高，咁奄尖，咪辛苦囉！』但係我覺得個世界唔同咗，以前女人嫁咗人，就係搵到張長期飯票，但係𠵱家男女平等，要經濟獨立，人嘅信心先會多啲。」
談到食肆生意，何琍琍說：「𠵱家有好多歐、美同新加坡嘅財團想同我合作搞生意，但係我覺得自己重係耕耘期，所以都拒絕咗。」
何琍琍更表示她的食肆在上海新天地有如名勝，在沙士期間，新天地仍然要求他們打開門做生意，何琍琍說：「嗰排冇乜生意都要叫幾個人返工，睇住間餐廳，𠵱家沙士過後，生意已經好番好多啦。」
記者WongChingMen上海報道
