23條一役，港人吸取嘅教訓好簡單，就係要普選特首、普選立法會。
要投票、要參選，首先就要登記做選民。根據政府統計，目前只有約二百九十萬人登記咗，佔合資格選民總數百分之六十五，即係重有一百五十幾萬人未登記，當中又以十八至二十歲嘅人居多，只有唔夠兩成人登記咗。八方今次真係要幫政府催谷吓，因為如果想趕得切年底去投票選區議員，今日係最後限期。
另外，噚日《大公報》有篇人民大學國際關係研究院教授時殷弘嘅鴻文，指中央目前「挺董」之餘，重要搵位有能及民望高之人，當特區「副領導」，以補董建華之不足。此人是誰，呼之欲出。
傳真︰2623-9278
電郵︰