特區問責政府永遠有出人意表嘅舉動，鋪鋪都咁杰，唔怪得民望低處未算低，啲民意調查員一次又一次發出警告都冇用，因為阿董實在應付不來。剛剛完咗23條，老廉又話完成咗梁錦松份報告，真幾頭痛。梁愛詩告唔告阿松都肯定成為全城話題，係咪自己攞嚟搞。
於是好多人就話阿松實在唔應累街坊，當日既然向老董請辭，就一定要堅持；一次唔得，咪第二次，第三次囉，或者好似田北俊咁，熄晒啲手機匿埋，一於唔聽老董電話，自己出新聞稿宣布離職，即時生效，咁老董挽留都無謂。有位老友就話一定唔會告，好似做咗梁愛詩咁權威；詩姐姐噚日先收報告，點可以搶先報道呢？大家且相安無躁，好戲在後頭。
傳真︰2623-9278
電郵︰