升中派位結果公布，本報訪問一位家長，佢話最想將個仔送入九龍華仁，點解？因為九華出咗個梁家傑，令家長心儀。
八方都問過梁家傑點解啲中英文都咁好，成日出口成文，好似「民無信不立」、「以言入罪」、「皇恩浩蕩」，喺邊度學返嚟嘅呢？佢笑話自己係九華出品。
除咗梁家傑，九華重出咗好多猛料之人，包括李柱銘議員、涂謹申議員、前行會成員李業廣、電盈副主席袁天凡，重有林青霞老公。
九華有梁家傑，當然亦有鼎鼎大名嘅校友邵善波，𠵱家係董建華嘅頭號智囊。佢老兄出名痛恨民主派。邵善波最近就23條及7.1事件喺電視發表「偉論」，講到政府好慘，無法向市民解釋政策，但一句政府不是都冇提，好似五十萬人上街，完全錯在傳媒。忽然諗起一句老話，都適合九華，就係樹大有枯枝。
傳真︰2623-9278
電郵︰