無綫兩位「明珠大使」保采芬及左慧琪，昨日為了宣傳明珠台本月推出的節目，齊往美麗華酒店出席《明珠夏日搜捕曲》記者會，並與陳敏之、鐘子淇、黃泆潼及水明琪進行一場水球比賽，而鐘子淇身穿的泳衣未知是否太緊身的原故，濕水後下身竟有現形的情況出現。
最後左慧琪、保采芬及鐘子淇的一組落敗。司儀陳鍵鋒宣布輸的一方要受懲罰即場除衫，但最後卻沒人理會。
事後問左慧琪對陳鍵鋒的話充耳不聞，是否因為她不想除衫？左慧琪說：「Sorry，我都聽唔到佢講，頭先我除都冇所謂，公司都冇指定着乜衫，我覺得三點式唔方便，唔舒服，我要跳來跳去，都係緊啲舒服啲。」
此外，水明琪昨日二十六歲生日，她說：「今日我會同屋企人食飯，我其中一個願望係搵到男朋友，重希望事業有更好發展。」
採訪：楊潔雯
攝影：陳志嵐
