「蝦王」系馬主、升岡國際主席劉錫康噚日公布名下上市公司業績，終於由虧轉盈，當然值得高興，但八方得到更最重要嘅訊息，係佢啱啱買咗隻新馬。
劉主席旗下「靚蝦王」同「正蝦王」已經退役，𠵱家得番隻「快蝦王」，佢同八方講，剛喺歐洲買咗隻新馬，要五十萬美元（約三百九十萬港紙），唔算貴。佢重話將會喺九月運抵香港，由新練馬師沈集成訓練。隻馬得三歲幾，相信抵港後會先跑幾場，然後參加打吡賽。
鍾意食蝦嘅劉錫康，旗下馬匹都以「蝦王」為名，配以快、靚、正稱號，至於今次呢隻新馬究竟改乜名呢？佢同八方講，「可能叫旺蝦王，一於旺一旺佢」。
（圖）劉錫康新購嘅「旺蝦王」，成績比唔比得上「靚蝦王」呢？
傳真︰2623-9278
電郵︰