八方昨日坐喺公司忽然收到料，話我哋位議而不決嘅特首董建華已經向中央請辭。假如係真嘅，當然要出五十萬份號外，可惜八方一打電話去特首辦，佢哋馬上好認真咁回應話，「絕無此事。」咁即係無好消息啦。
由7.1至今天，老董同林D9都淨係識得話聽到市民嘅心聲，聽到又點？既無人要下台，亦無人要執位，更無一聲對唔住，重任由啲打手四出抹黑，實在令人失望。官場中人謂，此乃問責制最大問題所在，就是特首大權獨攬於一身，一切由佢老人家最後拍板定案，司長被廢，十一局全向一人負責，所謂無咁大個頭，唔好戴咁大頂帽，老董冇自知之明，班官想幫佢都冇辦法。
傳真︰2623-9278
電郵︰