《基本法》23條立法搞到五十萬港人上街，成為國際大新聞，董建華同葉劉淑儀可謂「威震全球」。其實特區政府應該明白何謂民意不可欺，正如一啲官員話齋，就算由一個小小嘅部門首長處理，亦不會將事件弄得咁僵咁冇彎轉。
八方最記得當年林煥光做民政局局長，本來賭波合法化嘅課題已經上了當局議程，但係林生睇見當時整個社會反對嘅聲音遠遠大過贊成，硬推只會焦頭爛額，大家都冇好處，所以就按下不表，死都唔肯強出台。
直至打完世界盃，何志平上場，社會上嘅反對聲音忽然轉弱，市民開始接受賭波，咁政府再次推銷，雖然仍有難度，仍有爭議，但係最後水到渠成，既無萬人上街之場面，亦唔會好多人痛罵政府不是。
凡事都有醞釀期，更何況係關乎國家安全，人人有機會中招嘅如此一件大事呢？
傳真︰2623-9278
電郵︰