八方前幾日講過，劉千石前排去台灣同小馬哥見過面，傾傾十一月嘅泰北相展點搞法，但係原來阿石要傾嘅事多的是。
原來佢喺台灣竟然碰到推銷緊新書嘅王丹，同埋好耐冇露面嘅吾爾開希，三個人一見面，馬上雞啄唔斷，傾吓明年「六四」十五周年，究竟有乜可以搞。
時間真係過得好快，睇見當年嘅學生哥，今日已經唔同晒，特別係吾爾開希，成個人吹脹咗好多。不過對於好多人話吾爾開希一離開中國就肚滿腸肥，阿石就唔多同意，佢話吾爾開希搞到咁，其實係因為身體有病，肥係佢食藥後嘅副作用，但係𠵱家已經好番好多，長住台灣，囝囝都有兩個，一個八歲，一個四歲，重經常台中、台北兩邊走㖭。
（圖）阿石前排去台灣，遇見王丹（中）同吾爾開希（左），一齊傾吓出年「六四」十五周年可以點搞。 劉千石提供圖片
傳真︰2623-9278
電郵︰