RIPSLYME晒扮嘢功力
麻甩SU抱芝娃娃勁電Fans

連續兩年成為「MTVVMAJAWARDS」大贏家嘅日本HipHop組合RIPSLYME，今個夏天又再活躍起嚟。佢哋除咗耗資六百五十萬港元廣告費，狂谷喺聽日推出嘅新大碟《TimeToGo》，下個星期日重會喺國營紀念公園搞個五萬人嘅戶外騷，成為日本近期熱話。

效果意想不到
RIPSLYME喺日本咁受歡迎，唔單止因為佢哋嘅音樂夠cool，班成員嘅搞笑才華亦應記一功。好似隊中外形好瘦嘅成員SU，咪睇佢平日光晒頭同面上有好多鬚根，成個典型麻甩佬咁呀，原來佢扮起女人上嚟，都有令人意想不到嘅效果。

學女仔擺甫士
SU化個靚妝之後，好玩嘢咁抱住自己隻芝娃娃愛犬，扮成日本時裝雜誌嘅女model咁，真係超級搞笑。而佢嘅面形、鼻形同眼神，都同井川遙好相似，唔少RIPSLYME嘅fans都話俾佢電親喎。
不過更正嘅就係SU着起唔同嘅女人服裝，教人打扮之道，重要學女仔擺出好多唔同嘅甫士，風騷嘅程度令唔少fans暈晒大浪。估唔到佢扮起女人上嚟，身材比起我羅拉更加苗條，真係羨煞唔少渴望瘦身成功嘅女士。