23條一役，葉劉淑儀無論如何都難辭其咎，相信要隱退一吓避避鋒頭，例如陪個女去美國讀書。葉劉係老董旗下悍將，佢阿姐喺陳四萬主政之時，一直有被人打壓之感，及至老董親政，即如魚得水，誓死向特首及中央效忠，所以喺左派甚吃得開。
八方唔知呢個係咪令葉劉脫離群眾，感到飄飄然嘅原因。總之曾經與佢共事過嘅公務員都大讚佢以前係個好老細，既做事爽快，亦肯孭鍋，冇話卸膊。
如果佢今次同老董以為夠票就硬去，就真係令人失望。係人都見大律師開記者會叫人上街，已經係最後通牒，政府重當對手死嘅。家吓葉劉連梁家傑佢哋嘅電話都唔聽，咁又點算有溝通？
（圖）葉劉淑儀：多謝讚賞！設計對白
傳真︰2623-9278
電郵︰