楊千嬅日前跟一位相撲手拍攝新歌《龍爭虎鬥》MV，千嬅踢向相撲手下身時，差點踢到對方的「何B仔」，幸好相撲手閃避夠快，力保不失。
楊千嬅日前跟一名日籍相撲手合作拍攝新歌《龍爭虎鬥》MV，二人作狀對打。可是面對專業的相撲手，千嬅顯得姐手姐腳，其中她要不時踢向相撲手，卻差點踢到對方的「何B仔」。
千嬅首次近距離接觸相撲手，對方只穿襠布，故她在拍攝時顯得十分尷尬，千嬅日前說：「我都未見過着咁少布嘅男人，我都唔係要專登望佢，但自己眼神都唔知放喺邊好。」
問到千嬅向相撲手踢腿時，可有不小心踢到他的「何B仔」？千嬅說：「我會好小心，喺佢眼中，我嗰啲都唔係乜嘢功夫，佢郁啲都可以捽死我啦！」千嬅表示經過這次合作，她更了解相撲手的生活和身體，她又說：「原來相撲手身體嗰啲係肌肉，唔係脂肪，佢哋食量好大，運動量都好勁。」
其實在香港找相撲手參與拍攝工作並不容易，今次這位相撲手剛剛到香港旅遊，工作人員便臨時找他演出。
此外，千嬅的這首歌是由女子組合at17的成員盧凱彤作曲，千嬅說：「我一直好欣賞佢哋嘅音樂才華，音樂風格好簡單，但又可以表現到少女心聲。」
撰文：比華利
