雖然我大口羅拉最鍾意為大家推介啲性感波妹，但係就仍然童心未泯。其實我同好多小朋友一樣，好鍾意日本嘅鹹蛋超人。 由靚女吹石一惠扮演女鹹蛋超人嘅全新《超人高斯》電影版，前日喺日本上映，佢前日聯同主角杉浦太陽同片中三個鹹蛋超人到戲院見小朋友。 當我羅拉聽到偶像太陽哥宣布《高斯》系列喺呢套片後玩完嘅消息，搞到我同班小朋友都好唔捨得。