早排八方同煤氣公司嘅朋友講起，佢哋話煤氣再削減成本嘅空間經已不多，需要努力搵「新水源」，但估唔到啱啱講完無耐，噚日八方就收到一本由煤氣出版嘅雜誌《Avenue——明燃集》創刊號，內容主要係教人明火煮食，同埋喺屋企做Spa，總之一句講晒，「用多啲煤氣啦」！
最重要嘅係，呢本雜誌唔係免費，零售價要二十元，不過客戶可免費換。八方覺得單以內容及印刷質素嚟衡量，尚算抵買，只係略嫌單薄咗啲。以八方嘅愚見，𠵱家市面上同類型嘅雜誌唔多，若果煤氣肯用心搞落去，應該成功，起碼可以自負盈虧，又有宣傳之效。
（圖）煤氣出版嘅雜誌《Avenue——明燃集》創刊號。
傳真︰2623-9278
電郵︰