理工大學應用社會科學系助理教授鍾劍華說：「如果政府唔依慣例，同商台續番十二年牌，咁一定會引起市民大眾，揣測係一個政治考慮，要打壓言論自由。尤其是喺𠵱家呢個咁敏感嘅時刻，就算政府話唔係政治考慮，市民都當佢係。」
他又稱：「政府應該起碼同商台續牌八、九年，有番四分三，咁先合理。如果係三年就真係太少。因為電台經營涉及好重投資，如果年期太短，有關機構一定會調整風格，避免下次續唔到牌。所以，續牌年期愈長，市民嘅知情權會愈有利。」
浸會大學新聞系助理教授杜耀明亦同意，若政府縮減商台續牌年期，無可避免令人感到是一個政治考慮，打擊言論自由。他強調，當局最終必須改革，公開發牌程序及議決過程，改變「黑箱作業」的做法。
此外，城市大學社會科學學部高級講師馮偉華亦稱：「其實電台咁大投資，最少營運十年先可以穩定，過去發十二年牌嘅做法係適當嘅。如果續牌年期少於十年，都係唔合適，政府唔多唔少一定有政治考慮。因為年期太少，相關機構好多嘢考慮到日後再續牌，都要就住，要自我約束。咁言論自由一定受損。」
本報記者