八方最近同班大律師傾偈，真係獲益良多；其中大律師公會主席陳景生風趣幽默，兼而有之，訪問佢簡直如沐春風。
好似講到香港缺乏政治制衡，佢忽然笑住話，特首點選出嚟人人都知啦，佢係「民」選，真係「一人一票」選㗎，係一個叫「阿民」嘅人一個人一張票選出嚟嘅。
當然陳主席係講吓笑，老董第一任係由四百人嘅選委會選出嚟嘅，第二任就倍增至八百人。但呢八百人都好聽一個人話。
至於政府成日話香港人有人權自由，陳景生就話，佢未見過世界上有邊個國家話自己冇言論自由、冇新聞自由。佢重抬埋本中國憲法出嚟，話第三十五條寫得好清楚，我哋偉大祖國真係寫住有言論、出版、結社、示威等等自由；但係大家都心照。
7.1之後，大律師成為市民心中嘅英雄，應該高興，點知陳主席長歎一聲，話係好大鼓勵，但係亦好大壓力，「我覺得我哋都係市民一分子啫。」
傳真︰2623-9278
電郵︰