最近同菊川怜傳出緋聞嘅加藤晴彥，前日去咗東京一間戲院，為佢有份配音嘅迪士尼卡通電影《星空奪寶》宣傳。在場記者當然唔會放過追問佢同菊川怜拍拖嘅嘢啦，但加藤有理冇理，即刻扮耳聾冇反應。 不過，有一位自稱同加藤好熟嘅日本相聲家，前晚喺電視直播節目入面，大爆加藤個手機嘅來電畫面，原來係菊川怜嚟，佢重話加藤同佢講過跟菊川怜好啱key㖭！