香港證監會副主席查史美倫自從北上，到中國證監出任副主席後，一向對傳媒保持低調。
八方日前睇中央電視台時，偶然見到呢位女強人接受訪問，當然不可錯過，重發現查太都有感性嘅一面。
主持人問查太最大缺點時，佢就話係被人指為「做事不懂國情」。雖然佢當日聽到呢句話後覺得受委屈，但唔係個人委屈，而係認為「對整個證監會，有的人不了解」。佢又補一句，「市場和歷史會對自己監管工作做出評價」，但佢認為無論是否「海歸派」（即海外歸來的人士），當時也會這樣做。佢話自己唔會因壓力而改變初衷，亦唔會改變自己內心嘅原則，因為佢嘅原則係「不偏不倚、無畏無懼」。
講完硬嘢，查太又講愛好，佢話自己酷愛旅行，喺北京城內最喜歡嘅地方就係「故宮」，尤其係清早嘅故宮同雪中嘅故宮。
傳真︰2623-9278
電郵︰