7.1五十萬市民上街同7.9五萬市民集會，掀起咗一股要求政制改革嘅浪潮，噚日大專辯論賽決賽嘅辯題非常貼近時局，就係「政制改革刻不容緩」，主辦單位重請咗教統局局長李國章等做評判。
正方嘅浸大認為特區政府過去六年嘅施政頻頻失誤，問責制既失民心，也失誠信，沙士同仙股事件，更加失掉人命同埋令市民失去金錢，所以政府應該盡快進行一系列嘅政制改革。
不過，反方嘅科大就反駁話，當務之急應先做政制檢討，唔使咁急改住，然後重將評判之一李局長擺埋上枱：「係咪改咗問責制，換埋李局長，就可以民心在握先？」結果反方以較銳利嘅詞鋒險勝對手。
李局長講笑咁話，呢條題目對佢嚟講有利益衝突，所以唔方便表明立場，不過就強調問責官員一定聽取市民嘅意見。
（圖）李國章（左）恭賀最佳辯論員盧宇晴，佢所屬嘅科大隊亦勝出大專辯論賽。
傳真︰2623-9278
電郵︰