雖然非典型肺炎疫情在港已經受控制，但香港經濟遭受到嘅沉重打擊，依然未見好轉，好多打工仔面對被削減人工、放無薪假、甚至手停口停嘅困境，生活非常艱難。
有見及此，由香港社會服務聯會推行、獲蘋果日報慈善基金撥款一百萬元響應嘅「抗炎助人短期援助計劃」，已展開第二階段申請，凡因面對非典型肺炎疫症而陷於經濟困難，例如突然遭解僱，或被減人工嘅家庭，可提出申請。
根據規定，申請人嘅家庭入息，唔可以超過申請租住公屋入息限額嘅一半。而一般情況下，成功申請者及其家庭成員喺六個月內將唔符合資格再次申請呢個計劃嘅援助。
社聯統計數字所得，呢個計劃喺第一個階段，總共幫助咗一千五百七十二個家庭﹙共四千七百零四人﹚度過難關，平均每個家庭獲得五千二百二十一元經濟援助，得以暫紓困境。
市民查詢詳情，可致電﹕27988411，或到各社區中心、社會福利署及非政府機構屬下各家庭服務中心及綜合家庭服務中心提出申請。此外，社會福利界、教育界、社會人士如遇因受「沙士」影響急需經濟援助嘅個案，亦可聯絡蘋果慈善基金跟進協助，電話：29908688。蘋果基金喺今次沙士疫潮中特別成立嘅「援助非典型肺炎受難者基金」同「抗炎助人短期援助計劃」，迄今已經撥出十一萬八千四百元，幫助十四個沙士受難者家庭，另資助多名受沙士影響變得經濟緊絀嘅家庭。
「援助非典型肺炎受難者基金」捐款編號：C0930
「蘋果基金抗炎助人短期援助計劃」捐款編號﹕C0940
暖流熱線
電話:29908688
傳真:23702192
電郵:
網址：