喺公仔箱見到星爺同三師兄弟有班靚女陪飲酒，身邊的男性朋友都看得心痕痕，奢望現實如此。若然話你知奢望都有機會成真，你又點睇？原來三師兄弟，當然還有靚女，果真會走遍全港各大酒吧，同你玩餐飽，雖則遊戲簡單，獎品都只不過是毛公仔一個，但在場人士卻個個玩到好鬼High，輸了要自「隊」都一樣咁開心！
記者：招佩珊
攝影：陳陶鈞
場地提供：CityDancer、K-Bus、絕世好Bar
最近蒲吧，赫然發現小龍、田雞同肥聰三師兄弟喺尖沙嘴同太子的酒吧出沒，原來佢哋要將廣告的嗒糖場面變真，實行親身落吧同大家玩遊戲！一於跟埋佢哋入去睇吓有乜玩。玩的遊戲其實好簡單：估職業！主角係三師兄弟帶嚟嘅一位靚女，雖則這並非廣告內的索女Mandy或Race，但只見主角Cherry一上台，便博得台下強勁的歡呼及口哨聲，若非靚女又邊會出現如此反應。
遊戲開始，先是田雞同Cherry抽出三位參賽者，當然佢哋手上必要揸住支指定牌子嘅啤酒（咁當然係周星馳賣晒廣告嗰隻啦！）先至有得玩。參加者可以向Cherry問問題，透過一問一答估吓Cherry做邊行，而Cherry就只可以答「係」、「唔係」或「無關係」，參賽者可只問唔猜，但一旦猜錯的話，就要飲半支啤酒。見佢哋飲得咁高興都想玩埋一份？重有機會，因為三師兄弟同Cherry，更有其他靚女，會繼續去到各區的酒吧，若要知道佢哋確實會去邊幾間，就要打電話去問問！
跟住佢哋蒲咗幾晚，發覺各間Bar嘅參賽者都好守規矩，猜錯就飲，有部份仁兄贏了都照飲。由於落吧十居其八都是男士，所以玩遊戲都是男士居多，但在太子其中一間吧，就發現有兩位「女中豪傑」，估錯幾次，一樣隊得好鬼豪，所以話，女人一樣玩得High。
星期四、五有得玩
日期：由即日起至8月22日逢星期四、五晚
地點：港、九、新界各大酒吧
時間：約晚上10時後
查詢：24913294
講番個廣告，話說星爺晚晚被女友Race命令落街放狗，原來係約埋三師兄弟去同班靚女飲酒，都不知幾歎。除了幾位主角同班靚女夠搶鏡外，當然就到另一班主角——狗仔。呢班狗仔經過專人訓練，所以特別聽話，不過，偶有發脾氣的時候，點解？或者，見到主人有美女相伴，而佢哋就只可冷眼旁觀，所以有時會「集體罷工」。
落吧玩遊戲所贏到的獎品是一套5個的Q版公仔，包括有星爺、三師兄弟同靚女，不過就算甚少蒲吧都一樣有機會攞到，只要由7月16日至7月29日期間去到7-11買生力啤酒或生力清啤4罐，就可以加$9.9換其中一款。