楊千嬅、張學友和謝霆鋒前晚在紅館為汪明荃的演唱會做表演嘉賓，霆鋒穿上唐裝拿着扇出場，大有其父謝賢的風範。
阿姐在台上取笑霆鋒十分怕醜，她說：「梗係怕我問你啲女人嘅嘢，你最近多咗個家姐，幾時帶出嚟見吓長輩。」霆鋒聽罷即頭耷耷的離開。另外，張學友和阿姐合唱一曲《帝女花》為整個演唱會掀起高潮，而楊千嬅亦有跟阿姐合唱。
完騷後，阿姐在佐敦慶功宴時說：「我覺得同學友合唱粵曲係好突破，佢唱得好好。而霆鋒每次見親我都好尷尬，唔知係咪大個仔怕醜，可能係佢唔知叫我契媽好定點，次次都側側膊sayhi，我咪叫佢以後叫我『阿姐』，不過我冇見過佢同王菲一齊。」阿姐又大讚千嬅，她說：「佢身材唔算高大，樣又唔係特別靚，但唱歌好好聽，做戲都有成績。」