轉走性感形象的黃伊汶（Emme）明天出新碟，為隆重其事，出碟前她專程走到唱片店，貼宣傳海報、用羽毛裝飾唱片架。其間，不少男fans向Emme索取簽名，她即冧fans叫他們多支持。
黃伊汶改變形象後的同名大碟《黃伊汶》明天推出，她十分重視這張碟的成績，所以在出碟前，專程走到尖沙嘴一間唱片店，把自己的唱片放在當眼位置，又買了羽毛裝飾唱片架，務求突出自己的新碟。
穿上搶眼火紅tubetop上衣的Emme為怕宣傳效果不夠，走到唱片店的櫥窗做生招牌，吸引不少途人圍觀。Emme更站在她的六呎高人形紙牌旁，有市民誤以為Emme是假人，不斷說：「好似呀！」
Emme說：「今次出碟會比以前緊張，為咗隻碟咪落手落腳做多啲嘢。頭先可能我擺埋甫士，所以有人以為我係櫥窗公仔。其實咁都幾好，可以幫公司慳啲宣傳費。」
Emme急不及待把新碟的宣傳海報張貼於唱片店內每個角落，並在當眼處的海報加上親筆簽名。
記者提議Emme不如把海報貼在勁敵鄭希怡的大型海報旁，Emme擰擰頭說：「唔好啦，各有各做嘛！唔需要咁呀。」
在唱片店內逗留不足半小時的Emme吸引很多男fans索取簽名，有些更用手提電話拍下她的相片。Emme把握機會冧fans說：「我隻碟星期二出啦，你哋多多支持喎﹗」
此外，為了令狀態更佳，Emme近日常到其母開設的美容店接受纖腰療程，她說：「因為第二隻派台歌都係快歌，排舞師已經講咗啲舞步會比之前嗰隻舞難，所以我想減吓條腰，除咗更有曲線美外，重想跳舞敏捷啲。𠵱家我條腰大約二十五吋半，減多一吋就差唔多啦！」
採訪、攝影：王連連
