汪明荃（阿姐）前晚在紅館舉行尾場演唱會，其男友羅家英上台表演時，突然向阿姐當眾求婚，但阿姐並沒有應承。羅家英事後表示求婚是導演要求，他與阿姐都沒有心理準備。
汪明荃前晚在紅館舉行尾場演唱會，男友羅家英在舞台上當眾向阿姐求婚，可是阿姐並不領情，即場請他吃「檸檬」。
羅家英跟阿姐合唱完歌曲《月亮代表我的心》時，他拿了歌迷的花束向阿姐求婚，更唱出《我向你求婚》一曲，可是阿姐並沒有任何反應。阿姐說：「咁多年嚟我慣咗獨身，唔會結婚。」羅家英再迫阿姐給他答案，她說：「咁我考慮吓！」
問阿姐為何不答應羅家英的求婚，她事後在佐敦舉行的慶功宴上說：「佢臨時講，我冇心理準備，但都有感動，呢個時間自己冇考慮結婚。歌迷有啲鍾意我結婚，有啲唔鍾意，但唔會影響我嘅決定。」
而羅家英則說：「我唱歌之嘛！求婚要時間、地點同心情，完騷返入後台，阿姐一嘢車過嚟，話我喺台上玩佢，你哋信唔信吖？其實求婚係導演嘅要求，如果阿姐應承我，唔真心都變真心，反而我冇心理準備。」
這次求婚失敗，可會影響羅家英向阿姐求婚的決心？他說：「我會再接再厲，你估我係乜嘢男人，我係不到黃河心不死，而且我多咗個老母，叫成功之母。」
採訪：王連連 攝影：仇志德
