喺DC年代開始Hit起嘅《首都高》系列最新作《首都高BATTLEZEROONE》，啱啱喺秋葉原MESSE舉行咗個試玩會，吸引唔少機迷排隊試玩。講番隻Game，雖然話𠵱家嘅遊戲機CG技術已經好成熟，但係睇完佢嗰個同業界CG一哥NAMCO不相上下嘅開場CG片段，真係忍唔住同班㗎仔一齊嘩咗一聲。呢隻Game會喺7月24號正式推出（香港應該22號有貨），內容方面會加入「一揪二」同「連續BATTLE」之類嘅新元素，當然加入大批車種呢家嘢亦走唔甩，單係呢幾點已經值得大家睇好，而且據試玩過嘅日本人講，今次操作性比上集有過之而無不及，睇嚟已經打爆咗《頭文字D》嘅各位車手，個軚盤唔使咁急收番落床下底住喇！
文：貓仔Ryo
作者介紹：
曾任職香港遊戲雜誌編輯，現於日本工作。