老人家最恨抱孫，家有活潑的孫仔坐鎮，氣氛熱鬧。湊孫是生活情趣，不過好多細路仔去到兩三歲，就開始愛扭計，唔食飯，然而無粒米飯落肚，邊會長高吖？陳太的孫仔彰彰今年四歲，年半前同樣唔肯食飯，好彩嫲嫲有心思兼夠創意，巧手把瓜果變飯碗，炒出與別不同的開胃菜式，令彰彰每餐食得飽飽。
記者：楊一凡
攝影：楊錦文
示範：陳太(鰂魚涌讀者)
彰彰由細到大都好憎食蔬菜同瓜果，陳太說：「我炒餸或炒飯時，若果加葱、洋葱、蒜茸、西芹、時菜或者苦瓜，彰彰就擰頭唔食，飯後切個靚靚生果盤，佢掂都唔掂下，大人細路都要食生果同蔬菜，腸胃先好㗎。食多啲葱同蒜可以殺菌，但佢就好憎。」陳太最初見孫仔扭計唔食飯，既生氣又擔心，還帶孫仔睇中醫，飲開胃茶，但成個月都唔見有效。
一次陳太跟彰彰逛街，給他買了個十幾蚊的平價毛公仔，公仔由黃色檸檬形的軟墊包着，彰彰玩得歡喜，經常問嫲嫲：「點解檸檬有公仔？」陳太見乖孫滿心歡喜，靈機一觸「不如用瓜果裝飯啦！」把孫仔至憎的配菜如葱和西芹等，切成細粒混入飯或粉麵中。」果然，孫仔見炒飯不是用碗裝，而是用番茄仔盛着，覺得很新奇！試驗成功後，陳太又用鮮橙、紅燈籠椒、火龍果和菠蘿當碗，每次孫仔都因貪新鮮而中計，吃下大量營養豐富的飯菜。
自煮價：$10(2人份量)
用鮮橙汁醃雞，酸甜醒胃，雖然是炒飯，但一點也不覺油膩，陳太曾試過用西柚，但味道太澀，乖孫彰彰很抗拒，最後還是配番雞肉，反而是雜菜方面她經常變換，陳太說：「時令青蘆笋、甘笋、馬蹄、茄子、粟米及蓮藕等等，食多啲唔同種類嘅蔬菜，對腸胃好，營養又均衡。」
鮮橙 4個
白飯 3碗
蟹柳 4條
鮮雞腿肉 6両
雜菜粒 少許
鹽 1/2茶匙
胡椒 1/3茶匙
魚露 1/2茶匙
葱花 少許
自煮價：$10(2人份量)
陳太說：「紅色有刺激食慾的作用，番茄咁搶眼，小朋友實開胃啲，我試過用紅色或黃色燈籠椒，效果都唔錯，但青椒同南瓜仔就唔吸引；入面的餡料隨你變，魷魚仔炒麵、免治牛肉炒米粉或者魚柳炒飯都一樣好味。」另外又試過用一個番茄碗裝白飯，另一個裝餸，彰彰一樣食得開胃開心。
番茄4個
鮮蝦8両
西芹3両
通心粉200克
火腿適量
鹽少許
胡椒少許
葱花少許