Shine的徐天佑及MiniCookies成員Miki這對緋聞男女，從不肯承認戀情，但前晚他們終在at17及陳奕迅的音樂會上被撞破地下情。天佑和Miki發現有記者在場後十分避忌，演唱會結束後，二人朝不同方向離開。
陳奕迅（Eason）及at17前晚在上環西港城舉行音樂會，吸引了大批圈中人捧場，其中包括余文樂、趙頌茹、EO2成員Otto、黃耀明、Shine及MiniCookies的Kary和Miki等。其中Shine的徐天佑跟Miki一直被傳拍拖，但二人從未承認戀情，只表示雙方是好友。早前，他們一齊到大浪灣游水遭撞破，但天佑解釋當時還有其他朋友同行，不過前晚二人再次被撞破一起欣賞Eason和at17的音樂會。
見記者即找擋箭牌
天佑在音樂會中段才進場，起初他與拍檔黃又南站在台的側邊，而Miki就站在舞台對面，直至音樂會尾聲時，Miki終於「攝」到天佑附近。此時，不知眾人是否知道有記者拍照，阿樂即時充當擋箭牌，走到天佑及Miki中間，為好友解圍，天佑則瞬即閃到燈柱後。音樂會結束時，這對緋聞男女更上演了一幕「向左走．向右走」，朝不同方向離去。
阿樂堅稱乜都唔知
阿樂昨日於鑽石山出席活動時對此表示全不知情，他說：「我哋嗰晚成班男仔去睇騷，我都唔知佢哋（天佑和Miki）喺我後面，我真係乜都唔知呀。」阿樂更稱對好友的緋聞從不過問，他續說：「佢哋嘅嘢我唔會問，報道話係唔通我信咩？我同Miki都識得，唔通又話我同佢有嘢呀。」
女主角Miki昨日早上到香港大球場出席保良局活動時，表示事前不知道天佑前晚會去看音樂會，問Miki是否天佑邀請她？她說：「唔係呀，係Kary請我去㗎，我都唔知天佑會去，我都係去到先見到佢。至於我走去佢嗰邊睇，係因為嗰度多啲朋友喺度。」
「我一早知佢會去」
天佑昨日於紅磡出席「Shine的音樂世界」時，澄清自己沒有刻意躲於燈柱後避Miki，他笑言：「我唔需要扮柱男呀？我覺得係角度問題啫，我唔會刻意避開Miki，而且我都有同佢打招呼。我初時都唔知阿樂企喺我隔籬，我都係企企吓先知道佢同Miki企喺我旁邊，我最初係見到Kary，後來先見到Miki。」天佑亦透露一早已經知道Miki會前往欣賞音樂會，他說：「其實我一早都已經聽過佢會同公司嘅人一齊去睇騷，我就同自己班朋友一齊去。」
採訪：楊潔雯、王崇穎、何永寧、李珮洳
攝影：何永寧、陳偉權、黃文成
