二十位候選港姐昨日出席「齊做健康操挑戰健力士」活動時，與萬名巿民齊齊做氣功健康操，當中以11號楊洛婷最受小朋友歡迎，還帶頭簽名，將練氣功拋諸腦後，故被工作人員阻止說：「你帶頭簽，其他港姐又跟住簽，我哋𠵱家做緊氣功㗎！」
保良局昨晨在香港大球場舉行「齊做健康操挑戰健力士」，出席嘉賓包括方力申、張燊悅、MiniCookies和二十位應屆候選港姐，他們負責帶領萬多名參加者做氣功健康操，挑戰健力士世界紀錄。
在眾多候選港姐中，以先拔頭籌獲「旅遊大使」獎的11號楊洛婷最得小朋友歡心，數十名小朋友一擁而上，向她索取簽名，但這時健康操活動已開始，故在旁的工作人員見狀即上前阻止，並說：「你可唔可以唔好簽住，你帶頭簽，其他港姐又跟住簽，我哋𠵱家做緊氣功㗎！」
在場小朋友卻不加理會，仍堅持索取簽名，令11號楊洛婷不知如何是好，工作人員惟有勸喻小朋友離開。事後楊洛婷說：「好開心，細路仔咁支持我，我都係第一次幫人簽名。」
而張燊悅示範完第二式氣功操後，便沒有繼續做餘下的動作，反而坐在台前，叫助手擔遮，又拿出小風扇取涼。張燊悅說：「今日好曬，唔咁樣吹住個頭，好容易中暑。」而方力申則中途離開，他說：「咁曬就要飲多啲水，我對氣功興趣唔係咁大，我最想係學功夫，拍功夫片。」
此外，候選港姐昨午在沙田出席「吃喝慈善一卡通」活動，但現場反應冷淡。最近有報道指7號王從希刻意行性感突出自己，被其他佳麗杯葛，還被大會統籌Rosa指摘，王從希說：「我冇睇篇報道，但係我有嘢回應，我冇刻意做呢啲嘢，我已經夠知名度，唔需要做呢啲嘢出位。」
採訪：楊潔雯、王崇穎 攝影：陳偉權
