陳慧琳昨日為無綫節目錄影時,呼籲年輕人要好好利用暑假,參與有益活動,但要小心勿受騙。她透露求學時會應徵做暑期工,當年更因為到廣告公司應徵而被發掘拍攝廣告,但現在回想起來,陳慧琳卻說:「好似係俾人呃咗!」
陳慧琳、許志安、余文樂、方力申、馬浚偉、組合2R和MiniCookies等,昨日到將軍澳電視廣播城錄影《全能青少年十面展才華》,節目開始前眾歌星先進行拜神儀式。
陳慧琳昨日呼籲年輕人要好好利用暑假,她說:「我覺得年輕人應該喺暑假安排一啲有益嘅活動,我以前喺暑假都會搵暑期工,試過做測量師行嘅資料輸入員,同埋廣告公司平面設計師嘅助手。」
當年陳慧琳到廣告公司應徵,無心插柳下加入娛樂圈,她說:「嗰時係應徵做平面設計,佢哋就同我影相,我重諗點解做設計都要拍晒嘢,後來就俾人發掘咗拍廣告。𠵱家諗起好似俾人呃咗咁,不過如果唔係咁,𠵱家都唔可以做歌星,不過都要奉勸各位要小心,切勿受騙,如果要畀錢先,就一定唔好信。」
此外,余文樂昨日表示日前由泰國返港後感不適入院,他說:「嗰晚一落機即刻去醫院睇醫生,主要係腸炎同胃抽筋。」對於此行與陳冠希同赴泰國拍港姐外景,余文樂形容二人關係為「化陌生為友」。
採訪:卓美娟 攝影:林德雄