這三年來，Edison的緋聞不絕，曾傳他與BoBo、鍾欣桐及張栢芝等拍拖，更被封為「𠝹女王」，對這些緋聞他抱怨地說：「根本有好多緋聞都唔係真，睇到呢啲報道我會唔開心，我為咗避緋聞已經好少出街，但我有好多圈中朋友都係女性，我冇可能話避唔同佢哋來往。連媽咪都同我講：『阿仔，你唔使同媽咪講大話，不過呢個女仔……。』我都冇得解釋。」
Edison續說：「以前我覺得拍拖最好係地下情，𠵱家我發覺如果有一個好穩定嘅女朋友，我會選擇公開，起碼有個真嘅畀大家知道，唔使再俾人亂寫。」
記者隨即問Edison：「咁你𠵱家係咪同緊BoBo拍拖？」Edison依舊否認說：「我𠵱家咁忙，邊有時間拍拖，BoBo係我好朋友，我哋重有保持聯絡。」
Edison不下數次表示不容易信人，因他曾被好友出賣，他說：「中學時我個女朋友有日同我講，話同我一個最好嘅朋友行緊，當時我好嬲，覺得俾人出賣，所以我同呢個女仔分手之後，同個好朋友絕埋交。」