滕麗名昨天出席黃埔一個活動時，自爆其男友魏駿傑的手被向海嵐搣瘀，言談間醋意甚濃，不過她堅決否認呷醋，並說：「唔嬲，佢哋玩多啲囉！」
滕麗名、劉家輝、文雪兒和潘冰嫦等，昨天出席在黃埔舉行的「梁祝情懷獻長者慈善義賣活動」。滕麗名表示最愛劉家輝的武打戲，自己亦想學功夫，但是絕不會與男友魏駿傑打架。她說：「梗係唔對住佢打，咪搵自己笨，佢手瓜咁多肉。」
滕麗名談到男人是否不該打女人的話題時，她突然踢爆曾一起合作拍《鳳舞香羅》和《帝女花》等劇的傑仔與向海嵐常玩得頗癲。
她說：「魏駿傑成日打屋企隻狗女，佢重成日返到嚟同我投訴向海嵐搣到佢隻手瘀晒，咁你話女人打男人又啱唔啱喇？就算我哋行街，佢個心都好掛住海嵐㗎！成日打畀佢嘅！」
言談間，滕麗名似乎有點呷醋，但她否認說：「我唔會嬲喎，佢哋玩多啲囉！GoAhead（繼續），唔擔心佢哋玩出火喎！難得佢搵到人同佢玩。我唔會幫傑仔報仇，重會買啲向海嵐鍾意嘅食物畀佢，佢要減肥，我就問佢食唔食雪條囉！不過有時佢哋嘅私人恩怨，自己解決啦！哈哈！」
滕麗名又認為傑仔與向海嵐只是朋友式的耍樂，問她會否加入戰團？她卻說：「唔喇！留番畀佢（向海嵐）啦！」
採訪、攝影：王連連
