遭英皇雪藏　父親財困未解
Edison兩個月來晚晚發噩夢

過了二十二年坦途的陳冠希（Edison），今年終於受到人生考驗，他因唱片合約問題，跟英皇出現糾紛，將面臨雪藏，而父親的財政問題又令他憂心忡忡，他這兩個月來都睡不安，頻頻發噩夢。　撰文：陳月媚　攝影：陳志嵐、陳慧安

事業篇：「預咗會冇唱片出」
在富裕家庭成長兼擁有俊俏外形的陳冠希，出道短短三年迅速上位，成為新一代的偶像，連受矚目的電影《無間道II》亦由他與余文樂擔正，事業發展看似一片光明，但最近他卻因一些隱憂，連續兩個月睡不着，經常發噩夢。
自從今年二月英皇旗下的MusicPlus為Edison推出過一張精選碟後，唱片公司一直沒有再為他推出唱片，有說是因他與公司出現合約糾紛，以致遭雪藏。

「惟有專注拍戲」
Edison與英皇簽了三年死約兩年生約，死約到九月約滿，而英皇始終不能同時擁有Edison的經理人合約，故英皇在今年唱片市道低迷下，不花資源在他身上。此外，Edison父親陳澤民最近的債務問題亦令這個孝順兒子很憂心。
對於長期在溫室長大，今年只有二十二歲的Edison而言，面前的難題確實令他飽受困擾。坐在泳池旁露天茶座的Edison坦率說：「呢輪我係好唔開心，瞓得好差，我已經連續兩個月發噩夢，可能因為呢排真係有好多嘢煩，但我又冇辦法解決，好似同唱片公司嘅合約問題，我諗要由經理人公司同我解決，我都知急都急唔嚟，但當個個人走嚟問我呢件事時，我就會覺得好煩。下半年我都預咗唔會有唱片出，我惟有專注拍戲。」

「十歲知錢重要」
另外，今年Edison努力賺錢解家中財困外，還想實現一個夢想，而他的夢想是在法屬大溪地買一間房子，他說：「我好多年前已經好想喺大溪地買間屋，我覺得嗰度好靚，如果可以過啲無憂無慮嘅生活都幾好。𠵱家好多人都要為錢去追追逐逐，金錢同權力可以令人腐化，但人要生存，冇錢又唔得，其實要睇你點樣去平衡，由我十歲開始，已經知道錢嘅重要性，因為嗰時我喺加拿大好鍾意儲籃球明星閃卡，我有個好朋友偷咗我好多值錢閃卡，當時我就知道錢可以惹起貪念，錢對人嘅重要。」