謝霆鋒昨日在西九龍中心出席「一窩鋒激賞消費日」，除了與數百名歌迷簽名外，他還與遊戲得獎者玩商場內的過山車，引來近千人圍觀。霆鋒本來計劃順道逛商場，但因太迫和太混亂，最後惟有取消，霆鋒只在一間玩具店內觀賞，店員還送了一隻狗公仔給他。
事後問到霆鋒為何會選這隻狗公仔，他說：「一入到舖頭，我就見到呢隻公仔。年幾前，我知有個患癌嘅八歲細路女，心願想見我同楊千嬅。我去到探佢，見到佢床邊就係掛住呢隻公仔。我見到公仔頸上扣住個箍，我就幫個公仔除咗佢，重同個小妹妹講，凡事向好方面諗，唔好用個環箍住自己，要得到自由。」霆鋒還花五分鐘即場示範除箍，他續說：「呢個係一個回憶，知佢鍾意呢個公仔。」
採訪：王連連 攝影：甄朝健
