《國安條例》押後二讀已成定局，但係事件重有發展，當然大家最想知道北京點睇？
老董係咪保外就醫？阿松同葉劉會否被炒？會唔會有人入行會？
呢啲問題相信不久會揭盅。八方問同田北俊一日上京面見廖暉嘅李家祥，係咪有機會入行會頂田少個位，佢老哥就再次斬釘截鐵咁話，一定唔會以早餐派召集人身份入行會，言下之意係唔會入。
其實今次老董夾硬去馬，已經搞到幾個功能組別嘅代表冇啖好食，好似會計界咁，李家祥搞到最後要訴諸「全民」調查，公會特別批准佢用公會嘅通訊網絡向二萬二千個會員發問卷，結果短短十日收回五千幾份問卷，近九成反對未經最後修訂嘅國安條例，咁一面倒，李家祥梗要企硬啦。
傳真︰2623-9278
電郵︰