黃伊汶、陳司翰、關心妍、趙頌茹和張敬軒等昨日在鑽石山出席「黃大仙青少年滅罪嘉年華」。陳司翰（Victor）表示昨早到了中環禮賓府擔任表演嘉賓，慶祝一班特殊運動員在特殊奧運會中凱旋歸來。
Victor表示首次到禮賓府表演，他說：「禮賓府真係好華麗。我覺得啲特殊運動員好叻，佢哋去愛爾蘭參加比賽嘅時候，咁啱係香港SARS高峯期，所以佢哋去到愛爾蘭，冇人好熱情歡迎佢哋，但佢哋都冇受影響，只係盡力參加比賽，重攞咗唔少獎牌返嚟，我都好佩服佢哋。」
此外，關心妍前晚到廣州宣傳新唱片，內地歌迷十分瘋狂。當關心妍出席完簽名會後，竟然有三輛電單車狂追她的車子，其中一架車突然衝前攔截，坐在電單車後座的女仔更高舉關心妍的海報。而簽名會現場有很多歌迷欲與關心妍握手，但其助手不斷為她擋開，事後關心妍表示並非不願意與歌迷握手。
採訪、攝影：胡比
