為同一健康食品擔任代言人的李司棋、顧紀筠及胡楓，昨日在尖沙嘴香港酒店舉行記者會，李司棋原本在記者會內是交代前晚在胞姊及律師陪同下，前往旺角警署報案的原因，但昨日竟不停硬銷健康產品。
李司棋說：「上星期四、五有人打電話畀我，但又唔出聲，星期六晚十一點幾，有人拍門掟咗封律師信入嚟我屋企。我對呢隻產品好有信心，我係基督徒唔會亂咁做見證，我阿媽九十幾歲，八個月前跌倒，但食咗三日後，已經有氣鬧個工人。」但李司棋卻不肯透露律師信是由誰發出，只表示已備案及交由律師處理。
至於顧紀筠亦表示其七十多歲父親及未婚夫亦有服用該產品，而胡楓昨日則表現得較平靜，他說：「老實講我係求財，唔係求氣。」
採訪：卓美娟
攝影：陳志嵐