荷李活型男畢彼特（BradPitt）及萬人迷碧咸（DavidBeckham），分別是美、英兩地fans的至愛，不過原來身為美國人的畢仔，一直都十分喜愛英式足球，而且更是英超聯班霸曼聯的忠實擁躉。
據英國《太陽報》報道，近月一直拍攝新片《Troy》的畢仔，在片場裏透露了他支持曼聯這個鮮為人知的秘密，而且他對於曼聯領隊費格遜（AlexFerguson）把碧咸賣給西班牙的皇家馬德里感到不是味兒。
據電影公司人士透露：「當畢仔話鍾意足球，所有人都覺得好震驚，大部份美國人都唔睇英式足球，不過佢就話原來讀高中嗰陣佢成日踢波。早幾年佢同前球員雲尼鍾斯（VinnieJones）拍《邊個夠我薑》嘅時候，雲尼又令佢提起番對足球嘅興趣。」
該知情人士又表示畢仔不捨得碧咸離開曼聯：「當碧咸被踢走之後，佢好心噏同失望，佢認為曼聯永遠都唔應該放走碧咸，佢話碧咸係無可取代，所以搞到佢好嬲。」
其實在歐、亞等地無人不曉的碧咸，一直希望與妻子Victoria打開美國市場，奈何美國人並不熱衷英式足球，如今碧咸大可借畢仔為他宣傳，相信可收事半功倍之效。