7.1有五十萬人遊行，老董話自己睇足一日電視直播，但如果佢喺現場，八方真係怕佢俾人圍住走唔甩。
至於煲呔，佢開頭就坐喺半山官邸睇電視，後來都係頂唔住行咗出街，重俾八方嘅老友喺銅鑼灣時代廣場撞到佢同曾太幫襯翡翠拉麵店。八方問煲呔係咪有此事，佢嘅答案又幾有趣，「咪係去個度睇吓乜嘢環境囉。」嗰日成個銅鑼灣人聲鼎沸，叫阿董下台之聲此起彼落，煲呔去時代廣場都一定聽得見睇得到。
講開煲呔，有段對話要搞番清楚。7.9當五萬人圍住立法會之際，李華明喺議事堂走廊同煲呔吹水，話「不如一齊出去走個圈睇睇，」話未講完，肥仔明就加多一句話，「你出去驚唔驚俾人打？」點知煲呔牙擦擦話「我怕咩？」結果梗係得個講字。
傳真︰2623-9278
電郵︰