陳加玲和前男友羅傑承發生錢債糾紛，羅傑承昨日向高等法院申請禁制令，陳加玲則由代表律師上庭，但她昨午在金鐘一間酒店會見記者，心情明顯好轉。陳加玲透露禁制令已撤消，她說：「我今日好開心，件事今日告一段落。其實只係一單生意糾紛，唔明點解司機會俾人斬。」
問到陳加玲以後會否聘請保鑣？她說：「冇諗過呢個問題，總之喺我有生之年都會照顧佢（司機）。」提到跟羅傑承的錢債問題，她說：「我未入稟，我啲證據處理好，我唔排除再有突發事件發生，會極速將資料拎出嚟。我嘅性格係遇強愈強，我亦將一啲資料影印好多份，放喺律師同朋友度。」
羅傑承則說：「對方律師承諾陳加玲唔再提此案（控陳加玲誹謗）直到有判決為止，所以撤消咗個禁制令。」此外，陳加玲胞姊陳秀雯對妹妹跟羅傑承的錢債糾紛不欲多談，她昨日在將軍澳電視廣播城說：「始終香港未至於咁恐怖，佢咁大個人識得處理自己嘅事。」
採訪：卓寶花、陳梅香
攝影：何國豪