利物浦來港獻技，公開發售門票有限，咁啲門票去晒邊呢？咪各贊助商嗰度囉。好似大會指定流動電話供應商和記電訊，就率先公布送門票嘅噱頭，重有機會同利物浦球星奧雲等人喺君悅晚宴。
點樣先可以同奧雲食飯？新舊Orange嘅客戶由今日開始到二十號，預先登記足球資訊服務，可參加抽獎，獎品包括每日送出十五套（每套兩張門票）門票；壓軸大獎係贏取同利物浦球星晚宴嘅入場門票兩張，名額五個。
和記八月推出3G服務，喺二十三號午夜前，介紹最多朋友登記用3G嘅三位網友，每人可以得到球賽嘅貴賓門票一套三張。果然係運動產業。
另外，一讀者來信提供資料收妥，謝謝。
傳真︰2623-9278
電郵︰