繼港台搞咗個《與CEO對話》節目大受歡迎後，商台同新城今明兩日都會分別推出類似嘅新節目，全部都由滙豐贊助。商台嘅叫做《財智相對論》，新城嘅叫《財富人生傾傾King》。
新城頭炮訪問咗因反23而成為眾人偶像嘅《信報》曹仁超，肯定過癮，之後重訪問陳祖澤、洪小蓮。商台頭炮嘉賓就係柯清輝。
講開電台節目，八方前晚睇鳳凰衛視，訪問咗「一國兩制研究中心」嘅邵善波，據佢嘅半鹹淡普通話分析，7.1有成五十萬人上街，除咗因為傳媒煽動、親戚朋友施壓外，最慘係政府嘅解釋無法見報，連電台都偏晒一面，咪出事喎。
傳真︰2623-9278
電郵︰