香港民主發展網絡噚日舉行記者會，呼籲市民參加7.13民主大會，要求○七年普選特首同○八年普選立法會。網絡發言人夏其龍神父，連喺記者會都唔放過宣道嘅機會，同八方分享咗一個勉勵港人繼續爭取民主嘅聖經故事。
話說耶穌喺曠野守齋祈禱四十日，耶穌最肚餓嘅時候魔鬼引誘佢，叫佢將啲石頭變成麵包充飢，但係耶穌話，人生活唔係單靠麵包。
最近好多人話，快啲搞掂條國安法，咁香港先可以集中精神搞好經濟，但夏神父以呢個故事為比喻，唔好以為搞掂經濟就萬事得，其實做好一個人先最緊要。
千祈唔好以為政府餵飽咗你，咁就唔嘈，民主係應該要繼續爭取嘅。
（圖）夏其龍神父（右三）講聖經故事，勉勵港人要繼續爭取民主。
傳真︰2623-9278
電郵︰