身在加拿大嘅眾人契媽李麗娟終於可以有覺好瞓，因為賭波合法化嘅條例噚日終於有驚無險地通過，李麗娟喺立法會開會前不斷打長途電話進行最後游說，可算冇白費。
李麗娟話，佢每年都會去楓葉國探老媽，今年唔例外，咁啱條法例又要排到最後一次會先至二、三讀，所以只好喺加拿大打長途電話打到凌晨兩點，都繼續要同啲議員解釋法例，咁做常秘就係要幫何志平局長手㗎啦，拉票呢樣嘢做少啲工夫都唔得。
問李麗娟同邊個傾過，佢話咪李卓人佢哋囉。其實班代表基層嘅議員今次都好難投票，所謂手背係肉，手心又係肉，賭波又怕害咗班打工仔，唔畀賭，就工都冇埋，所以唔怪得阿人投票個陣唔見咗，街工代表梁耀忠話難、難、難，最終都要投反對票。
傳真︰2623-9278
電郵︰