肥佬黎原來都好鍾意寫稿，佢最近應《亞洲華爾街日報》之邀點評香港近日政治發展，佢嗰篇題目為《向北京傳達一個訊息》嘅大作噚日見報；肥佬黎今次又批評中國領導人，但就無當年咁激，只係話溫家寶早前來香港時，大講香港人珍惜當家作主嘅主人翁地位，當正香港人係白癡。
肥佬黎認為中國收回香港，但冇畀民主自由香港人，只係將香港由殖民地變做隸屬中國封建制度嘅一個地方，不過7.1大遊行後，北京發覺香港人非常特別，愛和平而且係順民，但卻不能受到侮辱；佢話九七年北京欽點董建華統治香港人，不過董建華卻只向北京交心而唔理香港人感受。
佢話希望中國領導人多了解香港人，回應香港人的願望，肥佬好客氣咁講，如果中國領導人有反應，中國就會改變，燃起自由的希望。
傳真︰2623-9278
電郵︰