罹難者之一的肇事巴士司機陳運年（四十餘歲），與妻子及一對年幼子女一家四口，住在天水圍天華邨華悅樓；他於一九九七年入職九巴，至今已有六年。兩年前他開始駕駛肇事265M線巴士，行走葵涌麗瑤邨至天水圍。
據悉，陳運年每天清晨五時就到天水圍天達邨取巴士，然後駕着空車到麗瑤邨，準時於六時十五分開出由麗瑤邨至天水圍的首班車。
據265M線一名吳姓的車長表示，他與陳運年共事兩年，大家都覺得陳是一名好好先生，放工他會即時歸家，平時無不良嗜好。吳車長說：「陳運年最鍾意玩電腦，同事電腦有問題時，都會第一時間搵佢，佢亦樂意幫忙，還經常教大家有關電腦的知識。」
昨天仍照常開工的吳車長說：「今日開車經過意外現場三次，每次經過時都會俾乘客鬧，話你哋啲司機都唔知點開車，搞出咁大單嘢。」
吳補充說：「有個阿伯重指住我話，你知唔知二十一個死者中有一個係我嗰仔呀，你哋點開車呀！」吳眼濕濕向記者稱：「發生咁大單嘢，乘客鬧乜嘢，我都會啞忍，但佢哋又知唔知，我都唔見咗個好朋友呀，我都好傷心㗎！」
本報記者