呢輪寶馬代理攻勢可謂一浪接一浪，繼早前唔使75萬，就可以擁有至豪華舒適嘅730iA長陣轎車之後，亞Mark剛啱收到消息，話佢哋又以極具吸引力嘅優惠價，推售部320iA型號。原價要成34萬多嘅320iA，家陣只售29萬9千幾咋！兩者相距成4萬幾，而且亦較前以優惠價發售嘅318iA，只係畀多幾萬蚊。然而，320iA所採用嘅係一台2.2公升直6偈（馬力170匹），性能遠較318iA來得強勁；據知，加埋原廠電天窗，亦不過多畀8千蚊，限售數量只有30部，家陣訂車，八、九月左右就可以攞車喇！若然有興趣的話，記住要行快步喇！否則行遲一步滿額就會好失望㗎！