「𠵱家房屋署畀間新嘅公屋我哋，起碼可以慳番唔少錢去執間屋，如果今次唔要，下次佢畀間舊嘅我哋就麻煩。不過社署話乜嘢津貼都冇，要自己想辦法。」三十三歲的阿嬌懊惱地說。
對於在面積狹小的中轉屋住了三年的阿嬌一家三口而言，搬遷新居無疑是一件喜事，奈何阿嬌的五十歲丈夫阿洪，自一年前失掉保安員一職後，至今未能覓得工作，夫婦與七歲女兒阿嫻只能依靠每月四千多元綜援金維生。身為一家之主的阿洪坦言：「我咩工都去搵，不過大部份都叫我返去等通知，想搵番保安員嘅工，又唔夠啲後生仔爭，就連散工都冇得做。」
阿嬌三口原居於黃大仙公屋，後因清拆重建，三年前被安排到中轉屋暫住，近日終獲房屋署編配一個約四百呎的新單位。
記者問阿嫻有否看過新屋時，年紀小小的她靦覥地點點頭，但她表示搬屋後要轉校，在新校升讀小二，不捨得一班原校的「同學仔」。
阿嬌表示，她希望能於本月底搬進新居，以免要同時繳交新舊屋的租金，惟因社會福利署不會向其發放搬遷津貼，令她手足無措。
「新屋租金按金同埋其他雜費都要幾千蚊，另外個女轉校又要一筆錢，房署又要我哋將舊屋還原番，樣樣都係錢，真係好困難。」阿嬌說。蘋果日報慈善基金有見阿嬌的困境，即時撥款八千元予她應付搬遷開支。
捐款編號：C1023
暖流熱線
電話：29908688
傳真：23702192
電郵：
網址：